Political and social poem

Gatul-gatol

Kinagaw-kagaw an galisgison tang manga kublit
"Abang gatol-gatol man!" sabot ta,
padagos-dagos an paduon-duon kan pagkagaw
guminatok-gatok asin duman puminuon-puon
an pagturo-turo kan yiluhon na nana.

Binurungkal an abang pulot-pulot manga buhok
"Abang gatol-gatol man!" sabot ta,
uminuran an kadakulon na balakubak
insigida an pagkahulog kan barasug-basog
na manga kuspad asin manga lusa.

kinuruso-kuso an malabo nan mga mata
"Abang gatol-gatol man!" sabot ta,
nagruluwasan an manga muta
may ibang nawalat-dukot sa manga pirok
sabay turon kan sipon, tinilam-tilam kan manga dila!

Kinulikot an baradong manga talinga
"Abang gatol man!" sabot ta,
suminulog an mapuluton na luga
iba-ibang kolor, igwang yilo asin segunda sa pula.
an iba hilinga ta nagdudugo-dugo pa.

Gatol-gatol na man
nuarin daw man kita
maisip magpararigos
magsabon nin magkapira
haputon an kada sadiri ta!
Sabot ta.