Salmo Responsorio
Nakakakigkig sa pagkatuninong-
an paghugpa kan simong dapan
sa sakuyang namating pagpadaba
makurahaw ako sa paghatubang mo
an alisngaw kan simong alimpupuro:
Madya ta rurip.
Madya ta rurop.
Asin madya sa rarum
kan sakong pagpamati
kan sakong pagkayaon.
Pagkamo't?
Pagkamo't ko saimo
daing siring na kabaing kan takal
na nakatapalak sa sakuyang halanuhan.
Pagkamo't mo sakuya
daing siring na kabaing kan tagas kan tungay
na nakatapol sa sakuyang dungo.
Utob kaini paurugon
bulbog kan satong manga talinga dangugon
siring sa kabtan kan panahon
bako nan tuli ining dara lamang sato gatol.
Walang komento:
Mag-post ng isang Komento